قصيده شاب صايم وجوعان tyl55@

السلام عليكم شباب ام القصيده تضحك من جد
قصيده … باللغه الدارجه ( و نادر ما اكتب فيها…

محسن شاب صايم … لكن جوعان

دخل المطبخ …. و شاف أمه مشغوله بالطبخ وتحضير الطعام

فدار بينهم هذا الحديث :
**************************

محسن :

قولي يا يمّـه بعجل شنهو الفطور
فرحي قلبى قبل لا يصيـر الأذان

حالتي صعبـه ترا وراسي يدور
بطنـي خالي و ناشف ٍ منى اللسان

الأم :

شـللي جابك هالوكت بين الجدور
عاقد الحاجب .. و وجهك ما يبان

لا تدودهني يا محسن لا تشور
ما أبيك الحين فى هـذا المكــان

محسن

خـل أشـمّ العيش يا يمه و أغور
و انظر التشـريب يعطينـي أمـان

و الهريس اللي يخليـني بسرور
خـل ألـمّ القـنجـه و احضنها بحنان

الأم

صبّـر قليـبك و فـارج لا أثـور
و الشـط ايـدينك ترا بالخيـزران

الأكـل كافي و لا تلقى قصـور
لا تحـنّ .. خليني أحشى البيدجـان

محسن

أنا رايح بس ترا عندي شعـور
ريحـة البرياني ما فيــه زعفران

و انا شايف بالمرق حب و قشـور
إنتي ما عـلّـيتي ناره من زمان؟

الأم

و الله يا محيــسن ترا قلبي يفور
و الفطور الليلـه .. الساعه ثمـان !

قلعـتك.. والليله ما عندي سحور
و هالصينيه ودهـا حق بيت ام حنان !!!

اتمنى تعجبكم القصيده

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s